जिल्हास्तरीय बुद्धिबळ स्पर्धा शनिवारपासून

बेळगाव : जिल्हा बुद्धिबळ संघटनेतर्फे 9 आणि 10 जुलै रोजी जिल्हास्तरीय खुल्या बुद्धिबळ स्पर्धेचे आयोजन आर. एन. शेट्टी पॉलिटेक्निकच्या सभागृहात करण्यात आले आहे. 9 जुलै रोजी दुपारी 11.30 वाजता स्पर्धेला सुरुवात होणार आहे. ही स्पर्धा 20 स्विस पद्धतीने होणार आहे.
खुल्या गटातील विजेत्याला अनुक्रमे 5 हजार, 3 हजार, 2 हजार, 1,501, 1001, 801,701, 601रूपये तर 8,12 व 16 वर्षाखालील गटातील विजेत्यांना अनुक्रमे 1001, 501, 301, 201, 101 रुपये अशी बक्षिसे देण्यात येणार आहेत तर 16 वर्षाखालील मुली व 55 वर्षांवरील वयस्करांसाठी 1001, 501 रुपये बक्षीस देऊन गौरविण्यात येणार आहे. अधिक माहितीसाठी निलेश भंडारी, गिरीश बाचीकर, आकाश मडीवाळ, यांच्याशी संपर्क साधावा असे आवाहन संघटनेतर्फे करण्यात आले आहे.