Belgaum Varta Belgaum Varta
बेळगाव : अभाविपच्या नेतृत्वाखाली विद्यार्थ्यांनी बेळगावात निदर्शने करून सन 2021-22 या शैक्षणिक वर्षातील थकीत शिष्यवृत्ती तात्काळ जाहीर करावी, अशी मागणी केली.
दरवर्षी शिष्यवृत्तीसाठी लाखो गरीब आणि हुशार विद्यार्थी अर्ज करतात. शिष्यवृत्तीचीही रक्कम त्यांच्या शिक्षणासाठी उपयुक्त ठरते. मात्र अर्ज केल्यानंतर सॉफ्टवेअरमध्ये शिष्यवृत्ती जाहीर झाल्याचे नमूद करण्यात आले आहे. परंतु बऱ्याच विद्यार्थ्यांना अद्यापही शिष्यवृत्ती मिळालेली नाही. याचा शासनाने गांभीर्याने विचार करावा आणि विद्यार्थ्यांना तात्काळ शिष्यवृत्ती जाहीर करावी. तसेच शिष्यवृत्ती घोटाळ्याबाबत सखोल चौकशी करण्याची मागणी करत शुक्रवारी अभाविपच्या नेतृत्वाखाली विद्यार्थ्यांनी बेळगाव जिल्हाधिकारी कार्यालयासमोर आंदोलन करून जिल्हाधिकाऱ्यांमार्फत शासनाला निवेदन सादर केले.
यावेळी अभाविपचे पदाधिकारी रोहित उमनाबादीमठ, संदीप दंडगल, रोहित अलकुंटे, प्रीतम उपरी यासह अनेक विद्यार्थी आंदोलनात सहभागी झाले होते.
