Belgaum Varta Belgaum Varta
राजहंस गल्लीचा राजा संघ उपविजेता
बेळगाव : एस. आर. एस. हिंदुस्थान संघ आर. जी. पी. एल. चषक – 2024 चा मानकरी ठरला असून राजहंस गल्लीचा राजा हा संघ उपविजेता ठरला आहे.
राजहंस गल्लीचा राजा संघाने प्रथम फलंदाजी करत ४ षटकांच्या मोबदल्यात ३ गडी बाद २९ धावा जमवल्या.
प्रतिउत्तरार्थ एस. आर. एस. हिंदुस्थान संघाने अवघ्या ३ षटकातच १ गडी बाद ३० धावा करत विजय संपादन केला.
अंतिम सामन्याचा उत्कृष्ट खेळाडू ठरला उमेश बाळू कुर्याळकर,
तसेच मालिकेतील उत्कृष्ट गोलंदाज ठरला गजानन हसबे हा एकूण १० गडी बाद करत पुरस्कार पटकाविला. उत्कृष्ट फलंदाज ठरला तो ओमकार संभाजी जाधव याने एकूण 85 धावा जमविल्या.
नागेश सोमनाचे हा अपकमिंग प्लेयर ठरला. संपूर्ण मालिकावीर ठरला तो उमेश बाळू कुर्याळकर यांने एकूण १३१ धावा व ६ गडी बाद करत मालिकावीराचा मानकरी ठरला.
पुरस्कार प्रदान करताना उपस्थित मान्यवर होते. ते मनोज चावरे, राजू मुधोळकर, रवी येळूरकर, बाळू कुर्याळकर, संदीप मुधोळकर, मल्लाप्पा होळकर व एस. आर. एस. हिंदुस्थान हा विजेता संघ उपस्थित होता.
