Belgaum Varta Belgaum Varta
बेळगाव : मंदिराच्या पुनर्बांधणीसाठी अनुदान देण्यासाठी ५ टक्के लाच मागितल्याप्रकरणी बेळगाव मुझराई विभागाच्या अधिकाऱ्यासह त्याच्या नातेवाईक हस्तकास भ्रष्टाचार निर्मूलन टास्क फोर्सने (एसीबी) शुक्रवारी रात्री अटक केली.
अटक करण्यात आलेल्या आरोपींमध्ये मुजराई विभागाचा दशरथ नकुल जाधव आणि त्याच्या नातेवाईकाचा समावेश आहे.
रामदुर्गा येथील यकलम्मा मंदिराच्या जीर्णोद्धारासाठी मुजराय विभागाने 4 लाख रुपये मंजुरी दिली होती. अनुदान वाटपासाठी नकुल जाधव यांनी २० हजार रुपयांची मागणी केली होती.
मंदिराचे सुभाष गुडके यांनी एसीबीकडे लाचखोरीची तक्रार केली होती. तक्रार स्वीकारून ती ऑपरेट करणाऱ्या अधिकाऱ्यांनी सहकाऱ्याच्या वतीने लाच स्वीकारणाऱ्या नातेवाईकाला रांगेहात अटक केली आहे. याच प्रकरणात जाधव यांनाही ताब्यात घेण्यात आले होते.
एसीबीचे एसपी बी. एस. न्यामगौडा, डीवायएसपी करुणाकर शेट्टी यांच्या मार्गदर्शनाखाली निरीक्षक गुदिगोप्पा, सुनीलकुमार आणि कर्मचाऱ्यांनी ही कारवाई केली.
