व्यावसायिक कर कार्यालयाच्या वाहन पार्किंग शेडवर जुनाट झाड कोसळून वाहनांचे नुकसान

बेळगाव : बेळगाव येथील क्लब रोडवरील व्यावसायिक कर कार्यालयाच्या वाहन पार्किंग शेडवर जुने झाड कोसळल्याने व्यावसायिक कर कार्यालयाच्या वाहनांचे नुकसान झाले. बुधवारी पहाटे ३ वाजण्याच्या सुमारास या कार्यालयाच्या आवारातील जुने झाड वाहन पार्किंग शेडवर कोसळले . या घटनेत जिवीतहानी झाली नाही पण एक सुमो वाहन पूर्णत: तर दुसऱ्या बुलेरोचे अंशत: नुकसान झाले आहे. या घटनेच्या वेळी कार्यालयात एक सुरक्षा कर्मचारी होता. वन विभागाच्या कर्मचाऱ्यांनी घटनास्थळी पोचून हे कोसळलेले झाड हटवले.