Belgaum Varta Belgaum Varta
बेळगाव : महाराष्ट्र एकीकरण समितीच्या 1 नोव्हेंबरला काळ्या दिनाला परवानगी देऊ नये आणि हिवाळी अधिवेशनाच्या विरोधात महामेळावा आयोजित करू देऊ नये, या मागणीसाठी कर्नाटक रक्षण वेदिका शिवराम गौडा गटाच्या वतीने आज बेळगाव येथे आंदोलन करण्यात आले.
आज बेळगाव येथे कर्नाटक रक्षण वेदिकेच्या शिवराम गौडा गटाने छत्रपती धर्मवीर संभाजी महाराज सर्कल येथून निषेध मोर्चा काढला आणि महाराष्ट्र एकीकरण समितीला 1 नोव्हेंबरला काळा दिन आणि हिवाळी अधिवेशनाच्या विरोधात महामेळावा आयोजित करण्यास परवानगी देऊ नये या मागणीसाठी शहर पोलीस आयुक्त कार्यालयात जाऊन निवेदन देण्यात आले. पोलीस विभागाने काळा दिन पाळणाऱ्या महाराष्ट्र एकीकरण समितीवर कारवाई न करून कर्नाटक रक्षण मंचाला चिथावणी देण्याचे काम करू नये. त्यांच्यावर सरकारने कारवाई केली नाही हे खेदजनक आहे. सिद्धरामय्या सत्तेवर आल्यावर समितीवर बंदी घालण्यासंदर्भात काय म्हणाले होते ते विसरले.
कर्नाटक संरक्षण मंचचे जिल्हाध्यक्ष वाजीद हिरेकुडी यांनी यावेळी सांगितले की, जर ते यावेळेस काळा दिन पाळला गेला तर तिथे जाऊन राज्योत्सव साजरा करू. उत्तर कर्नाटकचे अध्यक्ष महांतेश रणगट्टीमठ यांनी मुख्यमंत्र्यांना बेळगावमध्ये समितीसह कन्नड विरोधी संघटनांवर बंदी घालण्याचे आवाहन केले आहे. काळ्या दिनी सभा घेण्याचा प्रयत्न करणाऱ्यांवर कारवाई करावी. हिवाळी अधिवेशनावेळी महामेळावा घेण्याचा घाट घातला तर त्यांना अटक करावी, अशी मागणीही त्यांनी केली. यावेळी कर्नाटक संरक्षण मंचच्या शिवरामेगौडा गटाच्या कार्यकर्त्यांचा सहभाग होता.
