बेळगावात अल्पवयीन मुलीवर ६ जणांकडून सामूहिक अत्याचार

बेळगाव : बेळगावमध्ये आणखी एक सामूहिक अत्याचार घडला आहे. १५ वर्षांच्या अल्पवयीन मुलीवर ६ जणांनी मिळून सामूहिक अत्याचार केला.
काही दिवसांपूर्वी बेळगाव शहराबाहेरील एका रिसॉर्टमध्ये एका मुलीवर सामूहिक अत्याचार करण्यात आला होता. ही घटना घडण्यापूर्वीच आणखी एका अल्पवयीन मुलीवर सामूहिक अत्याचार घडल्याचे वृत्त समजले आहे.

सहा जणांच्या टोळीने मुलीवर दोनदा सामूहिक अत्याचार केला. ही घटना काकतीजवळील एका टेकडीवर घडली आणि एपीएमसी पोलिस ठाण्यात पॉक्सो गुन्हा दाखल करण्यात आला आहे.

सहा महिन्यांपूर्वी एका अल्पवयीन मुलीला तिच्या एका मित्राने तिला काकती जवळील एका टेकडीवर आमिष दाखवून नेले. तिथे असलेल्या सहा जणांनी त्यांचे चित्रीकरण केले. त्यानंतर त्यांनी त्याच व्हिडिओचा वापर करून तिला ब्लॅकमेल करत तिच्यावर सामूहिक अत्याचार केला. आता, पीडितेने एपीएमसी पोलिस ठाण्यात तक्रार दाखल केली आहे.