अथणी येथे ज्वेलर्स दुकानावर दरोडा घालण्याचा अयशस्वी प्रयत्न

अथणी : बेळगाव जिल्ह्यातील अथणी शहरात दिवसाढवळ्या बंदुकीच्या धाकावर ज्वेलर्स दुकानावर दरोडा टाकण्याचा अयशस्वी प्रयत्न झाला. शहरातील त्रिमूर्ती ज्वेलर्स नावाच्या दुकानात दोघे हेल्मेट घातलेले दरोडेखोर हातात बंदुक घेऊन शिरले.

ज्वेलर्सचे मालक महेश पोतदार (२५) हे दुकानात होते. दुकानावर दरोडा घालण्यासाठी दोघे आल्याचे लक्षात येताच मालकाने आरडाओरड केली. यामुळे चोर पळून गेले. ही घटना अथणी पोलिस ठाण्याच्या हद्दीत घडली.