Belgaum Varta Belgaum Varta
सार्वजनिक वाचनालयाच्या नूतन पदाधिकाऱ्यांची निवड
बेळगाव : १७७ वर्षांची गौरवशाली परंपरा असलेल्या येथील सार्वजनिक वाचनालय, बेळगाव या संस्थेच्या नूतन अध्यक्षपदी माजी नगरसेवक नेताजी जाधव, उपाध्यक्षपदी उद्योजक रघुनाथ बांडगी, मानद कार्यवाहपदी लता पाटील व सहकार्यवाहपदी प्रसन्न हेरेकर यांची एकमताने निवड करण्यात आली आहे. या निवडीचा ठराव कार्यकारी मंडळाचे ज्येष्ठ सदस्य अभय याळगी यांनी मांडला व त्यास दशरथ सूर्यवंशी यांनी अनुमोदन दिले.
ऍड. आय. जी. मुचंडी यांच्या अध्यक्षतेखाली रविवार झालेल्या कार्यकारी मंडळाच्या बैठकीत सदर निवड एकमताने करण्यात आली.
यावेळी संस्थेच्यावतीने नूतन पदाधिकाऱ्यांचे पुष्पगुच्छ देऊन अभिनंदन केले व त्यांच्या पुढील कार्यास शुभेच्छा दिल्या. तसेच नूतन अध्यक्ष महोदयांनी मावळत्या पदाधिकाऱ्यांनी केलेल्या कार्याचा आढावा घेऊन त्यांचे गुलाबपुष्प देऊन अभिनंदन केले व त्यांचे आभार मानले. याप्रसंगी अनंत लाड, सुनिता मोहिते, प्रा. विनोद गायकवाड, शिवाजीराव हंगिरकर, विशाल राऊत, अर्जुन गावडे व व्यवस्थापक विठ्ठल कडगांवकर उपस्थित होते.
