साखर कारखाना बॉयलर स्फोटातील मृतांची संख्या ७

बेळगाव : बैलहोंगल तालुक्यातील मुरकुंबी येथील इनामदार साखर कारखान्यात बॉयलरचा स्फोट होऊन काल तीन कामगारांचा मृत्यू झाला. आज उपचारादरम्यान मृतांच्या संख्येत वाढ होऊन आज आणखी चार जणांचा मृत्यू झाला.

मृत झालेल्यांमध्ये मंजुनाथ तेरदाळ, मंजुनाथ काजगार, भरतेश सारवाडी आणि गुरुपादप्पा यांचा समावेश आहे.

कारखान्याच्या कंपार्टमेंट क्रमांक १ मध्ये ही घटना घडली आणि भिंतीची दुरुस्ती सुरू असताना स्फोट झाला. ही घटना मुरुगोड पोलिस ठाण्याच्या हद्दीत घडली.