मुसळधार पावसामुळे कानूर बुद्रुक येथे घरांचे नुकसान…

चंदगड (ज्ञानेश्वर पाटील) : चंदगड तालुक्यातील कानूर बु. येथे बुधवारी झालेल्या मुसळधार पावसाने अनेक ठिकाणी झाडपडी आणि घरांचे नुकसान झाले आहे. यामध्ये बुधवारी (दि.२१ जुलै २०२१ रोजी) सकाळी ९ वाजता कृष्णा गोविंद गावडे यांच्या घरावर झाड पडून ४० हजारचे नुकसान झाले आहे. तर दुपारी १ वाजता धोडीबा शिवराम गावडे यांच्या घरावर झाड पडुन रू. १ लाखाचे नूकसान झाले असून मारूती आप्पा नाईक यांच्या घराची भिंत कोसळून २० हजारांचे नुकसान झाले आहे. सदर नुकसानीचा पंचनामा कानूर बुद्रुकचे तलाठी खूपसे, पोलीस पाटील अशोक मटकर, कोतवाल व ग्रामपंचायत सरपंच तसेच कर्मचारी यांच्या उपस्थितीत करण्यात आला. तरी या शेतकरी बांधवांना लवकर नुकसानभरपाई मिळावी अशी मागणी होत आहे.