खानापूर : खानापूर तालुक्यातील घनदाट जंगलातील गावांना रस्ता तयार करण्याचे आवाहन भाजप प्रदेश कार्यकारिणी सदस्य धनश्री सरदेसाई-जांबोटकर यांनी जिल्हा पंचायतीच्या मुख्य कार्यकारी अधिकार्यांना केले.
खानापूर तालुक्यातील दुर्गम गावांना चांगले रस्ते नसल्याने विद्यार्थ्यांना शिक्षणासाठी तसेच ग्रामस्थांना प्रवास करण्यास त्रास होत आहे. खानापूर-गोवा रस्त्यापासून चापगाव 5 किमी., पाली 4 किमी, जांबोटी-गोवा मुख्य रस्त्यापासून चोर्ला 1 किमी, माण 1 किमी, हुळन्द 9 किमी, चिगळे 5 किमी, मुडगे, कपोली, चापोली 3 किमी, चिगले, आमगाव 7 किम आणि हेम्मडगा चेक पोस्ट 7 किमी हे रस्ते करून द्यावेत, अशा मागणीचे निवेदन भाजप प्रदेश कार्यकारिणी सदस्य धनश्री सरदेसाई-जांबोटकर यांनी ग्रामस्थांसोबत जिल्हा पंचायतीच्या मुख्य कार्यकारी अधिकार्यांना दिले.
निवेदन स्वीकारून सीईओ दर्शन एच. व्ही. यांनी, लवकरात लवकर हे रस्ते तयार करून देण्याचे आश्वासन दिले.
![](https://belgaumvarta.com/wp-content/uploads/2022/05/12-1-660x330.jpg)