Belgaum Varta Belgaum Varta
निपाणी (वार्ता) : बोरगाव येथील मीनाक्षी रावसाहेब पाटील यांना नवी दिल्ली येथील भारत वर्षीय दिगंबर जैन महिला महासभेतर्फे ‘सर्वोत्तम श्राविका’ हा मानाचा पुरस्कार प्रदान करण्यात आला आहे. त्यानिमित्त त्यांचा निपाणी शहरात विविध ठिकाणी सत्कार करण्यात आला. सहकाररत्न उत्तम पाटील, विनयश्री अभिनंदन पाटील त्यांच्या प्रमुख उपस्थितीत निलांबरी तारळे, यशोधन तारळे यांच्या हस्ते त्यांचा सत्कार करण्यात आला. येथील माजी नगरसेविका उपासना सचिन गारवे, सामाजिक कार्यकर्ते, सचिन गारवे, सुनील तावदारे, वैभव निंबाळकर आणि प्रभाग क्रमांक ३० मधील उत्तम पाटील प्रेमी कार्यकर्त्यातर्फेतर्फेही सत्कार करण्यात आला.
येथील सामाजिक कार्यकर्त्या नाझ मुजावर, मंगल वागळे, वैशाली पोटले, सुकेशनी शिंदे, शोभा निगवे यांनीही मीनाक्षी पाटील यांचा सत्कार केला.
मीनाक्षी पाटील यांनी सत्काराबद्दल प्रतिज्ञा व्यक्त करून या पुढील काळात ही महिलांच्या प्रगतीसाठी अरिहंत उद्योग समूह सर्वांच्या पाठीशी असल्याची ग्वाही दिली.
