अटकेच्या भीतीने भवानी यांनी घेतली उच्च न्यायालयात धाव

बंगळूर : महिलेच्या अपहरणप्रकरणी अटकेच्या धोक्यात असलेल्या भवानी रेवण्णा यांना अटकपूर्व जामीन नाकारण्याच्या सत्र न्यायालयाच्या निर्णयाला आव्हान देणारा अर्ज उच्च न्यायालयात दाखल करण्यात आला आहे.
एसआयटीने जारी केलेल्या नोटीसमध्ये कोणत्याही वैधानिक तरतुदीचा उल्लेख नाही. अटक होण्याची भीती भवानी रेवण्णा यांनी अर्जात व्यक्त केली आहे.
के.आर.वली आणि सुनावणीला उपस्थित राहण्याचे निर्देश दिले. चौकशी केल्यास अटक होण्याची शक्यता आहे. त्यामुळे अटकपूर्व जामीन मंजूर करावा, अशी विनंती त्यांनी अर्जात केली आहे. या प्रकरणी सत्र न्यायालयाने अटकपूर्व जामीन नाकारला होता.
पीडितेच्या कथित अपहरणाच्या संदर्भात के.आर. नगर पोलीस ठाण्यात आयपीसीच्या विविध कलमांखाली एफआयआर दाखल करण्यात आला आहे. भवानी यांचे पती धजदचे आमदार एच. डी. रेवण्णा हे पहिले तर सतीश बाबण्णा हे दुसरे आरोपी आहेत. एसआयटीची नोटीस बजावूनही भवानी रेवण्णा हजर राहिल्या नाहीत आणि सुनावणीला हजर राहण्याचे निर्देश दिले. या प्रकरणात अटकपूर्व जामीन मिळावा यासाठी त्यांनी आता उच्च न्यायालयात धाव घेतली आहे.