राज्य सरकारचे शंभर दिवस पूर्ण

पाच पैकी चार हमी योजनांची अंमलबजावणी; लोकांचा उदंड प्रतिसाद
बंगळूर : राज्यातील बहुसंख्य लोकांपर्यंत पोहोचण्यासाठी ‘हमी’ योजना राबवून राज्य सरकारने आपल्या अधिकाराचे शंभर दिवस पूर्ण केले. राज्याच्या तिजोरीवर आर्थिक भार टाकणार्‍या हमी योजनापैकी तीन योजना राबवून व चौथी योजना सुरू करण्याची तयारी पूर्ण करून आव्हानांचा पहिला टप्पा सरकारने पार केला आहे.
दरवाढीमुळे आर्थिक दडपणाखाली आलेल्या जनतेला भरभरून प्रतिसाद देणार्‍या हमीयोजनाना चांगला प्रतिसाद मिळाला आहे. विशेषत: ‘शक्ती’योजनेला उदंड प्रतिसाद मिळत आहे.
वार्षिक ५२ हजार कोटींवरून ५८ हजार कोटी रुपयेपर्यंत राज्याच्या इतिहासात आर्थिक भार पडणार्‍या हमी योजना राज्यातील जनतेला दिलेली मोठी भेट आहे. जनतेला आकर्षित करणार्‍या हमी घोषणांची अंमलबजावणी करणे शक्य आहे का, या विरोधकांसह अनेकांच्या शंकांचे उत्तर राजकीय इच्छाशक्तीच्या जोरावर मिळाले आहे.
मुख्यमंत्री सिद्धरामय्या, जे वित्त खातेही सांभाळत आहेत, त्यांनी हमींसाठी निधी उभारण्याच्या आव्हानाचे उत्तर शोधण्याचा प्रयत्न केला आणि अर्थसंकल्पातील पाच हमींच्या अंमलबजावणीसाठी हमी अनुदान दिले. एकामागून एक या प्रमाणे पाचपैकी तीन हमींची अंमलबजावणी केली आहे; आणखी दोन योजना प्रतिक्षेत आहेत.
पाचपैकी तीन हमीयोजनांची अंमलबजावणी झाली आहे. सुरुवातीला ‘शक्ती’ योजनेने मोफत बस प्रवासाची भेट दिल्याने महिलांना आनंद झाला. ११ जून रोजी सुरू झालेल्या या योजनेला प्रचंड प्रतिसाद मिळत आहे.
शक्ती आणि अन्नभाग्य योजनांपेक्षा अधिक लाभार्थी घेऊन गृहज्योतीही राबविण्यात आली आहे. अंदाजे ९८ टक्के कुटुंबांकडे घरगुती वापरासाठी मासिक सरासरी (२०० युनिटपर्यंत) वीज माफ आहे.
शक्तीनंतर प्रत्येक व्यक्तीला १० किलो धान्य वाटपाची ‘अन्यभाग्य’ योजना राबविण्याची सरकारची तयारी असली तरी आवश्यक प्रमाणात धान्य उपलब्ध झाले नाही. मात्र, राज्य सरकारने पाच किलो धान्य वाटप सुरू ठेवून आणि उर्वरित पाच किलो तांदूळाची रक्कम लाभार्थ्यांना वितरित करून आपले आश्वासन पाळले आहे.
गृहलक्ष्मी योजनेंतर्गत प्रत्येक कुटुंबाच्या मालकीनीला मासिक दोन हजार रुपये देण्याच्या घोषणेच्या अंमलबजावणीचा टप्पा आता तयार झाला आहे. ३० ऑगस्ट रोजी मुख्यमंत्र्यांच्या मूळ गावी म्हैसूरमध्ये गृहलक्ष्मीच्या शुभारंभासाठी आता महिला समुदाय उत्सुक आहे.