Belgaum Varta Belgaum Varta
बेळगाव : बेळगाव जिल्हा रोलर स्केटिंग असोसिएशनच्या वतीने बेळगाव येथे जिल्हास्तरीय खुल्या रोलर स्केटिंग रोड चॅम्पियनशिपचे आयोजन करण्यात आले होते.
बेळगाव येथील मराठा कॉलनीत रविवारी झालेल्या जिल्हास्तरीय फ्री रोलर स्केटिंग रोड चॅम्पियनशिपमध्ये 160 हून अधिक स्केटर्सनी भाग घेतला. या स्पर्धेचे उद्घाटन नगरसेवक नंदकुमार मिरजकर यांनी केले. याप्रसंगी जायंट्सचे माजी फेडरेशन अध्यक्ष राजू माळवदे, त्रिवेदी, गिरीश देशेट्टी, अमोन ढवळीकर, अजय सहकारी, शिवराज, स्केटिंग प्रशिक्षक सूर्यकांत हिंडलगेकर आदी उपस्थित होते. यावेळी स्केटिंग स्पर्धेमधील विविध श्रेणीतील विजेत्यांना पदक प्रदान करण्यात आले. योगेश कुलकर्णी, विशाल वेसणे, मंजुनाथ मंडोळकर, गणेश दड्डीकर, सागर चौगुले आदी उपस्थित होते.
