बेळगाव : एका भरधाव कॅन्टरने रात्री 11 च्या सुमारास चन्नम्मा चौकातील राणी चन्नमा पुतळ्याच्या चौथऱ्याला धडक दिल्याची घटना मंगळवारी रात्री घडली आहे. सुदैवाने कोणतीही जीवितहानी झाली नाही.
अधिक माहिती अशी की, काल रात्री साधारण 11 च्या सुमारास एक मालवाहू कॅन्टर क्र.KA 23, 3581 सिव्हिल इस्पितळाकडून राणी चन्नम्मा चौकाकडे भरधाव वेगाने येत होता. वाहनावरील नियंत्रण सुटल्याने वाहनाची चौथऱ्याला जोराची धडक बसली. या घटनेत चौथऱ्याचे नुकसान झाले आहे.
वाहनाचा या धडकेत चौथऱ्याशेजारी असलेला संरक्षक कठडा उखडला आहे. या घटनेत कॅन्टरमधील क्लिनर किरकोळ जखमी झाला आहे. या धडकेत वाहनाचे नुकसान झाले असून सुदैवाने कोणतीही जीवितहानी झाली नाही.