ऍड. अमर येळ्ळूरकर यांना बसवन कुडची येथे एकमुखी पाठिंबा

बेळगाव : बेळगाव उत्तरचे महाराष्ट्र एकीकरण समितीचे अधिकृत उमेदवार ऍड. अमर येळ्ळूरकर यांना सर्वस्थरातून वाढता पाठिंबा मिळत आहे. अमर येळ्ळूरकर यांनी आपल्या शिलेदारांसमवेत प्रचाराचा झंझावात सुरू केला आहे. समितीचा बालेकिल्ला समजला जाणाऱ्या बसवन कुडची येथील नागरिकांनी महाराष्ट्र एकीकरण समितीचे अधिकृत उमेदवार ऍड. अमर येळ्ळूरकर यांना एकमुखी पाठिंबा दिला आहे.
महाराष्ट्र एकीकरण समितीचे उमेदवार ऍड. अमर येळ्ळूरकर यांनी बसवन कुडची येथे जाऊन नागरिकांची भेट घेतली व सर्वांचे आशीर्वाद घेतले. यावेळी बसवंत हलगेकर, सुनील बाळेकुंद्री, सुरज कणबरकर, ऍड. दिवटे तसेच कुडची येथील प्रतिष्ठित नागरिक व पंच कमिटी ग्रामस्थ उपस्थित होते.