पालिकेचे महसूल अधिकारी सुनील कांबळे यांना मातृशोक

निपाणी (वार्ता) : निपाणी येथील नगरपालिकेचे महसूल अधिकारी सुनील कांबळे यांच्या मातोश्री आणि थळोबा पेठेमधील प्रतिष्ठित महिला राधाबाई कृष्णा कांबळे (वय ९२) यांचे बुधवारी (ता.४) निधन झाले. त्या अत्यंत मनमिळावू स्वभावाच्या होत्या. परोपकारी वृत्तीमुळे त्या सर्वांना परिचित होत्या. अत्यंत कठीण परिस्थितीत त्यांनी कुटुंबाचा सांभाळ केला. त्यांच्या निधनामुळे निपाणी परिसरात हळहळ व्यक्त होत आहे. त्यांच्या मागे मुलगा, सून, नातवंडे असा परिवार आहे. रक्षाविसर्जन शुक्रवारी (ता.६) सकाळी नऊ वाजता आहे.