अल्पसंख्याकांचे विविध प्रकल्प योग्य पद्धतीने राबवावेत : जिल्हाधिकारी नितेश पाटील

बेळगाव : अल्पसंख्याकांचे विविध प्रकल्प योग्य पद्धतीने राबवावेत. विभागांना दिलेली उद्दिष्टे निर्दिष्ट कालावधीत प्रगतीपथावर नेली पाहिजेत. जिल्हाधिकारी नितेश पाटील म्हणाले की, प्रकल्पांची व्हॉट्सअप आणि फेसबुक या सोशल नेटवर्किंग साइट्सच्या माध्यमातून अधिकाधिक प्रसिद्धी करण्यात यावी. जिल्हाधिकारी कार्यालयाच्या सभागृहात आज मंगळवारी (दि. 09) पंतप्रधानांच्या 15 कलमी कार्यक्रमांच्या प्रगती आढावा बैठकीत ते बोलत होते.

महिला व बालकल्याण विभागाने निर्धारित कालावधीत उद्दिष्ट पूर्ण केले आहे. मत्स्यव्यवसाय विभागाकडून अल्पसंख्याकांसाठी विविध योजना राबवाव्यात आणि अधिकाधिक लाभार्थी निवडून तत्काळ प्रगती करावी, असेही ते म्हणाले.
रेशीम विभागामार्फत देण्यात येणाऱ्या विविध प्रकल्पांसाठी 70% अनुदान आहे, परंतु प्रगती अहवालानुसार केवळ 20% लाभार्थीच या सुविधेचा लाभ घेत आहेत त्यामुळे सोशल मीडियाच्या माध्यमातून मोहीम राबवावी असेही जिल्हाधिकाऱ्यांनी सांगितले.

मागील वर्षी झोपडपट्टी विकास मंडळामार्फत विविध कामे ६०% पूर्ण झाली. चालू वर्षातील प्रकल्पांच्या अंमलबजावणीचे कार्यादेश एप्रिलमध्ये निघाले आहेत. अनुदान वाटपासाठी शासनाकडे प्रस्ताव सादर करण्यात येणार असल्याचे संबंधित अधिकाऱ्यांनी स्पष्ट केले.

जॉब एक्स्चेंज सेंटरतर्फे आयोजित रोजगार मेळाव्यात विविध कंपन्यांकडून रोजगाराच्या संधी उपलब्ध करून दिल्या जातात. त्याचप्रमाणे शिक्षण विभागाकडून पाठ्यपुस्तकांचे 90 टक्के वितरण आणि गणवेशाचे 100 टक्के वाटप करण्यात आल्याचे अधिकाऱ्यांनी स्पष्ट केले.