येळ्ळूर परिसरातील बांधकाम कामगार व रोजगार (मनरेगा) कामगारांना मार्गदर्शन करण्यासाठी उद्या बैठक 

बेळगाव : ‘मजदूर नवानिर्माण संघ’, बेळगांव जिल्हा बांधकाम कामगार संघटना आणि येळ्ळूर कामगार संघाच्या माध्यमातून येळ्ळूर परिसरातील बांधकाम कामगार व रोजगार (मनरेगा) कामगारांना मार्गदर्शन करण्यासाठी येळ्ळूरच्या चांगळेश्वरी मंदीरात शुक्रवार दि. 18/08/2023 रोजी सायंकाळी 7 वाजता बैठक  आयोजित केली आहे.
सदर बैठकीमध्ये बांधकाम कामगारांच्या किंवा त्यांच्या दोन मुला-मुलींच्या लग्नाच्या सहाय्यधन, कामगारांच्या दोन मुला-मुलींच्या स्कॉलरशिपसंदर्भात, आजारपण किंवा ऑपरेशन झालेल्यांना, अपघाती मृत्यू झाल्यास सहाय्यधन मिळण्यास कसा अर्ज करावा तसेच कामगारांच्या विविध सवलतीबद्दल मार्गदर्शन करण्यासाठी ‘मजदूर नवानिर्माण संघ’ व बेळगांव जिल्हा बांधकाम कामगार संघटनेमार्फत चांगळेश्वरी मंदिरात जेष्ठ सामाजिक समाजसेवक डाॕ. शिवाजी कागणीकर व ॲड. एन आर लातूर मार्गदर्शन करण्यासाठी येळ्ळूरला येणार आहेत, तरी येळ्ळूर परिसरातील इच्छूक कामगारांनी शुक्रवारी 18/08/2023 रोजी सांयकाळी 7 वाजता चांगळेश्वरी मंदीर, येळ्ळुर येथे बैठकीला हजर रहावे. याचप्रमाणे
कामगारांच्या मुला-मुलींपैकी नववी, दहावीला शिकणाऱ्या किंवा कॉलेजमध्ये शिकणाऱ्या विद्यार्थ्यांना स्कॉलरशिप मिळण्यासंदर्भात माहिती हवी असल्यास त्या विद्यार्थ्यांनीही बैठकीला यावे. सर्व कामगारांनी आपल्या सवलती मिळविण्यास संघटीतपणे प्रयत्न करणे गरजेचे आहे.