Belgaum Varta Belgaum Varta
बेळगाव : बेळगाव महानगर पालिकेच्या स्थायी समिती अध्यक्षांची निवडणूक आज शुक्रवार दि. ९ जुलै रोजी पार पडली. समितीमधील सदस्यांपैकी ४ भाजपचे सदस्य होते. त्यामुळे बिनविरोध निवडणूक झाली. ४ समित्यांच्या अध्यक्षपदासाठी भाजपच्या केवळ ४ सदस्यांनी उमेदवारी अर्ज सादर केले होते. त्यांची अध्यक्षपदी निवड झाली. अर्थ स्थायी समितीसाठी नेत्रावती भागवत, आरोग्य स्थायी समितीच्या अध्यक्षपदी श्रीशैल कांबळे, नगररचना स्थायी समितीवर जयतीर्थ सवदत्ती, लेखा स्थायी समितीच्या अध्यक्षपदी रेश्मा कामकर यांची निवड झाली आहे. या निवडणुकीत पीठासीन अधिकारी म्हणून महापौर सविता कांबळे यांनी काम पाहिले.
नूतन स्थायी समिती सभापतींचा सत्कार करण्यात आला. स्थायी समिती सभापतीपदाच्या निवडीबाबत महापौर सविता कांबळे यांनी स्थायी समिती सदस्यांची बैठक घेऊन सर्वसंमतीने व्यक्तींची निवड करण्यात आल्याचे सांगितले, कर आकारणी, वित्त विभागासाठी नेत्रावती भागवत, आरोग्य विभागासाठी श्रीशैल कांबळे, नगररचनासाठी जयतीर्थ सवदत्ती यांची निवड करण्यात आली आहे. विभाग, लेखा स्थायी समितीसाठी रेश्मा कामकर यांची निवड करण्यात आली आहे. उपमहापौर आनंद चव्हाण यांनी स्थायी समिती सदस्यांची बैठक घेऊन सर्वानुमते सभापतीपदी निवड झाल्याचे सांगितले.
माजी आमदार अनिल बेनके यांनी सांगितले की, आमदार अभय पाटील व स्थायी समितीच्या सदस्यांची बैठक घेतली, स्थायी समितीच्या चार सदस्यांची एकमताने निवड झाली आहे.
यावेळी बेळगाव महानगरपालिकेचे सर्व सदस्य उपस्थित होते.
