बेळगाव मनपा सार्वजनिक बांधकाम विभाग – स्थायी समितीची बैठक

बेळगाव : सार्वजनिक बांधकाम विभागाच्या स्थायी समितीचे अध्यक्ष जयतीर्थ यांनी बेळगाव महानगरपालिकेच्या अखत्यारीतील स्मशानभूमींमध्ये मूलभूत सुविधा पुरविण्यात याव्यात आणि स्वच्छतेला प्राधान्य द्यावे, अशा सूचना दिल्या.

शुक्रवारी बेळगाव महापालिकेच्या प्रांगणात सार्वजनिक बांधकाम विभागाच्या स्थायी समितीच्या बैठकीच्या अध्यक्षस्थानी ते होते. बेळगाव शहरातील उत्तर व दक्षिण मतदारसंघांतर्गत येणाऱ्या स्मशानभूमीतील वीज बेटाच्या समस्येबाबत जनतेने मोठ्या प्रमाणात तक्रारी केल्या आहेत. कोणतीही स्मशानभूमी स्वच्छ नाही. मृतदेहाच्या अंत्यसंस्कारासाठी येणाऱ्यांना बसायला जागा नसल्याचा आरोप होत आहे. येत्या दोन महिन्यात त्या दुरुस्त कराव्यात, अशा सूचना त्यांनी दिल्या. स्मशानभूमीच्या देखभालीसाठी कर्मचाऱ्यांची नियुक्ती करण्यात यावी, तसेच शहरातील स्मशानभूमींचा अहवाल महापालिकेच्या अधिकाऱ्यांनी दर महिन्याला द्यावा, असेही ते म्हणाले. रेल्वे विभागाकडून बेळगाव शहरातील रेल्वे ओव्हरपासच्या यूजीडी कामासाठी 88 लाख रु. महापालिकेला अनुदान देण्यात आले आहे. महापालिकेच्या अधिकाऱ्यांना त्यापुढील लाईनच्या दुरुस्तीची कार्यवाही करता यावी, यासाठी ही बाब कौन्सिलच्या सभेपुढे मांडण्यात येणार असल्याचे त्यांनी सांगितले.