येळ्ळूर ग्रामीण मराठी साहित्य संघाचे पुरस्कार जाहीर

 

दत्ता देसाई, डॉ. सुरेखा पोटे, डॉ. रमेश दंडगी, चंद्रकांत पोतदार, शिवाजी शिंदे, संजय मजुकर, महेश हगिदळे, डी. जी. पाटील मानकरी

येळ्ळूर : येळ्ळूर ग्रामीण मराठी साहित्य संघाच्यावतीने देण्यात येणाऱ्या साहित्यिक, सामाजिक, पत्रकारिता, शिक्षण, क्रीडा पुरस्कारांची घोषणा करण्यात आली असून यंदाच्या पुरस्काराचे मानकरी दत्ता देसाई (पुणे), डॉ. सुरेखा पोटे, डॉ. रमेश दंडगी, चंद्रकांत पोतदार (हलकर्णी), शिवाजी शिंदे, संजय मजुकर, महेश हगिदळे, डी.जी. पाटील मानकरी आहेत. रविवार दि. 5 जानेवारी रोजी येळ्ळूर येथे होणाऱ्या 20 व्या साहित्य संमेलनात हे पुरस्कार त्यांना प्रदान करण्यात येणार आहेत.

साहित्यिक पुरस्कार : राष्ट्रवीरकार शामराव देसाई साहित्यिक पुरस्कार यंदा पुणे येथील दत्ता देसाई (पुणे), यांना देण्यात येणार असून प्राचार्य अनंतराव देसाई यांच्यामार्फत हा पुरस्कार देण्यात येतो. शाल, श्रीफळ, मानचिन्ह व रोख रुपये पाच हजार असे पुरस्काराचे स्वरूप आहे.

सामाजिक पुरस्कार : दिवंगत मारुती पाटील (पेंटर) सामाजिक पुरस्काराचे मानकरी येळळूर येथील प्राथमिक आरोग्य केंद्रातील डॉ. रमेश दंडगी हे आहेत. परशराम पाटील (येळ्ळूर) यांच्यामार्फत हा पुरस्कार देण्यात येतो. शाल, श्रीफळ, मानचिन्ह व रोख रुपये पाच हजार असे पुरस्काराचे स्वरूप आहे.

महिला सामाजिक पुरस्कार : रमाबाई आंबेडकर महिला सामाजिक पुरस्काराच्या मानकरी भारतनगर येथील सामाजिक कार्यकर्त्या डॉ. सुरेखा पोटे या आहेत. दलित संघटनेचे नेते मल्लेश चौगुले (बेळगाव) यांच्यामार्फत हा पुरस्कार देण्यात येतो. शाल, श्रीफळ, मानचिन्ह व रोख रुपये पाच हजार असे पुरस्काराचे स्वरूप आहे.

पत्रकारिता पुरस्कार : कै. कृष्णा मुचंडी उत्कृष्ट पत्रकारिता पुरस्काराचे मानकरी दै. पुढारीच्या बेळगाव आवृत्तीतील बातमीदार शिवाजी शिंदे हे आहेत. बेळगाव वार्ताचे संपादक सुहास हुद्दार यांच्यामार्फत हा पुरस्कार देण्यात येतो. शाल, श्रीफळ, मानचिन्ह व रोख रुपये पाच हजार असे पुरस्काराचे स्वरूप आहे.

आदर्श शिक्षक पुरस्कार : कै. गावडोजी पाटील गुरुजी आदर्श शिक्षक पुरस्काराचे मानकरी श्री शिवाजी विद्यालय येळ्ळूरमधील सहशिक्षक संजय मजुकर हे आहेत. विश्वभारत सेवा समितीचे संस्थापक परशुराम नंदिहळ्ळी यांच्यामार्फत हा पुरस्कार देण्यात येतो. शाल, श्रीफळ, मानचिन्ह व रोख रुपये पाच हजार असे पुरस्काराचे स्वरूप आहे.
आदर्श क्रीडा शिक्षक पुरस्कार : क्रीडा शिक्षक पुरस्काराचे मानकरी मराठी विद्यानिकेतनचे क्रीडा शिक्षक महेश हगिदळे हे आहेत. शाल, श्रीफळ, मानचिन्ह व रोख रुपये तीन हजार असे पुरस्काराचे स्वरूप आहे.

विशेष साहित्य पुरस्कार : कै. गंगुबाई आ. गुरव विशेष साहित्य पुरस्काराचे मानकरी हलकर्णी महाविद्यालयातील प्रा डॉ. चंद्रकांत पोतदार हे आहेत. या पुरस्काराचे पुरस्कर्ते उद्योगपती आप्पासाहेब गुरव हे आहेत. मराठी साहित्यामधील कथा, कादंबरी, नाटक, कविता आधी मध्ये ग्रामीण भागातील स्त्रीचे चित्रण उठावदारपणे करण्यात आलेले आहे अशा साहित्य कृतीला आप्पासाहेब गुरव यांच्या आजी कै. गंगुबाई गुरव यांच्या नावे हा साहित्य पुरस्कार देण्यात येत असून या पुरस्काराचे स्वरूप रोख रुपये सात हजार, मानचिन्ह, शाल श्रीफळ असे आहे.

विशेष सन्मान : डी जी पाटील (येळ्ळूर) यांच्या सामाजिक कार्याची दखल घेऊन त्यांचा संमेलनात विशेष सन्मान करण्यात येणार आहे. यल्लाप्पा टक्केकर (येळ्ळूर) यांना कृषी पुरस्कार देण्यात आला आहे. तर कु. राजवीर यल्लाप्पा बिर्जे (कराटेपटू), किशन विजय टक्केकर (सायकलपटू), अनंत बाळकृष्ण धामणेकर (सायकलपटू), यांचाही संमेलनामध्ये सत्कार करण्यात येणार आहे.