अमित शाह यांना मंत्रिमंडळातून बडतर्फ करा : बेळगावमध्ये वकिलांचे आंदोलन

बेळगाव : बेळगावच्या वकिलांनी आंदोलन करून, केंद्रीय गृहमंत्री शाह यांना मंत्रीपदावरून हटविण्याची मागणी केली. जिल्हाधिकाऱ्यांमार्फत राष्ट्रपतींना या संदर्भात निवेदन देण्यात आले. बेळगाव अहिंद मनुवादी संघटना व बेळगाव वकिलांनी आंदोलन करून गृहमंत्री अमित शहा यांना डॉ. बाबासाहेब आंबेडकरांचा अवमान केल्याप्रकरणी मंत्रिमंडळातून बडतर्फ करण्याची मागणी केली. यावेळी, शाहींच्या वक्तव्यामुळे देशातील जनतेला वेदना झाल्या आहेत. त्यामुळे त्यांना लगेच देशवासीयांपासून माफी मागितली पाहिजे, असे वकिलांनी सांगितले. यासंदर्भात जिल्हाधिकाऱ्यांमार्फत राष्ट्रपतींना निवेदन देण्यात आले. डॉ. बाबासाहेब आंबेडकरांचा अपमान करणारे गृहमंत्री अमित शहा यांची मंत्रिमंडळातून हकालपट्टी करावी. बाबासाहेबांनी दिलेल्या घटनात्मक अधिकारामुळेच चहा विकणारा देशाचा पंतप्रधान झाला. मेंढ्या पाळणारा माणूस राज्याचा मुख्यमंत्री झाला. शहा यांच्या वक्तव्यामुळे देशातील जनता दुखावली गेली आहे. त्यांनी तत्काळ देशातील जनतेची माफी मागावी, असा आग्रह वकील एन. आर. लातूर यांनी धरला.

गृहमंत्री अमित शहा यांनी डॉ. बाबासाहेब आंबेडकरांचा अपमान करणे निंदनीय आहे. बाबासाहेब आंबेडकरांना 192 देशांनी सन्मानित केले आहे. गुजरात दंगलीत हद्दपार झालेले अमित शहा यांनी निवडणूक लढवली आणि जिंकली, बाबासाहेबांच्या घटनेतून अधिकार मिळवून, आज त्यांना गृहमंत्रीपद मिळाले. असे वकील बाळकृष्ण कांबळे म्हणाले. यावेळी वकिल सुरेंद्र उगारे, वि. एस. पाटील, कुमार कांबळे, एम. के. कांबळे आदींचा सहभाग होता.