वीज कोसळून एकाचा मृत्यू; बैलहोंगल येथील घटना

बेळगाव : बैलहोंगल तालुक्यातील सुतगट्टी गावात वीज कोसळून एकाचा मृत्यू झाला असून तीन जण जखमी झाले आहेत.

बसवराजा नागप्पा सांगोळ्ळी (४५) असे मृताचे नाव आहे. बसवराज यांच्या पत्नीसह अन्य दोघे जखमी झाले. त्यांना बेळगाव जिल्हा रुग्णालयात दाखल करण्यात आले आहे.
शेतातील काम आटोपून घरी परतत असताना वीज पडल्याने ही दुर्घटना घडली. पीडीओ वनजाक्षी पाटील, नेसरगी पोलिसांनी घटनास्थळी भेट देऊन पाहणी केली.