माजी महापौर सौ. नीलिमा चव्हाण यांचे हृदयविकाराने निधन

बेळगाव : भाग्यनगर क्रॉस 6 च्या निवासी, म. ए समितीच्या कार्यकर्त्या आणि बेळगावच्या माजी महापौर सौ. नीलिमा संभाजी चव्हाण (वय 60).यांचे मंगळवारी रात्री हृदयविकाराच्या झटक्याने निधन झाले. त्यांच्या पश्चात पती माजी नगरसेवक संभाजीराव चव्हाण, दोन कन्या व एक मुलगा असा परिवार आहे.

गुरुवारी सायंकाळी 7 वा. चिदंबरनगर स्मशानभूमीत त्यांच्या पार्थिवावर अंत्यसंस्कार करण्यात येणार आहेत. इ. स. 2002-2003 या काळात बेळगावच्या महापौर म्हणून त्यांनी काम पाहिले आहे. त्यांचा अनेक सामाजिक संस्थांशी निकटचा संबंध होता. सध्या त्या अहिल्यादेवी सोसायटीच्या चेअरमन होत्या.