Belgaum Varta Belgaum Varta
बेळगांव : शिवाजी रोड कोनवाळ गल्ली येथे रविवारी झालेल्या मोफत आरोग्य तपासणी शिबिरात बेळगांवकरांचा मोठ्या संख्येने सहभाग होता. एंजल फाउंडेशन, हिरकणी महिला मंडळ आणि राजा शिवछत्रपती युवक मंडळ या तीन संस्थांच्या संयुक्त विद्यमाने हे उपक्रमाचे आयोजन करण्यात आले होते.
सिद्धार्थ नेत्रालय आणि विजय ऑर्थो सेंटर या आघाडीच्या वैद्यकीय संस्थांच्या सहकार्याने आयोजित या शिबिरात नागरिकांना मोफत सामान्य आरोग्य तपासणी तसेच नेत्रतपासणी सुविधा उपलब्ध करून देण्यात आल्या. या सेवांचा मोठ्या संख्येने नागरिकांनी फायदा घेतला.
शिबिराच्या यशस्वी आयोजनाबाबत बोलताना एंजल फाउंडेशनचे उपाध्यक्ष श्री. दीपक सुतार म्हणाले, “नागरिकांच्या उत्साहवर्धक प्रतिसादामुळे आमच्या हातून समाजकार्याचा हा लहानसा प्रयत्न सफल झाला. सहयोगी संस्था आणि वैद्यकीय तज्ज्ञांचे आभार.”
या प्रसंगी राजा शिवछत्रपती युवक मंडळाचे अध्यक्ष श्री. विनायक पवार, उपाध्यक्ष श्री. मदन अष्टेकर; हिरकणी महिला मंडळाच्या अध्यक्षा श्रीमती साधना पाटील, उपाध्यक्षा श्रीमती गीता कदम, सदस्य श्रीमती रेणू नागवेकर आणि श्रीमती सारिका हंडे; तसेच एंजल फाउंडेशनचे श्री. किर्तेश कावळे आणि श्री. अवधूत तोडेकर या मान्यवर उपस्थित होते.
सहभागी संस्थांनी सामाजिक जबाबदारीच्या भावनेतून हे शिबिर आयोजित केले होते. सर्वसामान्य नागरिकांना, विशेषत: गरजू घटकांना गुणवत्तापूर्ण आरोग्य सेवा पोहोचवण्यासाठी हा प्रयत्न सराहनीय ठरला. शिबिरातील वैद्यकीय सल्ल्याने आरोग्याविषयी जागरूकता निर्माण होण्यास मदत होईल, अशी अपेक्षा व्यक्त करण्यात आली.
