मध्यवर्ती म. ए. समितीची महत्वाची बैठक मंगळवारी

बेळगाव : महाराष्ट्र सरकारने नुकताच सीमाप्रश्नी तज्ञ समितीची पुनर्रचना केली तसेच कर्नाटक सरकारकडून सीमाभागात कन्नडसक्तीची काटेकोर अंमलबजावणी करण्याचा फतवा काढला यासंदर्भात चर्चा करण्यासाठी मध्यवर्ती महाराष्ट्र एकीकरण समितीच्या पदाधिकारी व सभासदांची बैठक मंगळवार दिनांक 15 जुलै 2025 रोजी दुपारी 3-00 वाजता मराठा मंदिर खानापूर रोड बेळगाव येथे बोलावण्यात आली आहे. या बैठकीस सर्व सभासदांनी वेळेवर उपस्थित राहावे, असे आवाहन  मध्यवर्ती समितीचे कार्याध्यक्ष, माजी आमदार श्री. मनोहर किनेकर यांनी केले आहे.