‘श्री योग हेल्थ फिटनेस सेंटर’चे उद्घाटन

बेळगाव : शहापूर लायन्स चॅरिटेबल फाउंडेशनच्या वतीने भाग्यनगर, दुसरा क्रॉस येथे ‘श्री योग हेल्थ फिटनेस सेंटर’ या नवीन केंद्राचे उद्घाटन नुकतेच पार पडले.

गोमटेश विद्यापीठ, बेळगावचे अधिष्ठाता आणि माजी आमदार संजय पाटील यांच्या हस्ते या केंद्राचे उद्घाटन झाले. आपल्या उद्घाटनपर भाषणात त्यांनी शहापूर लायन्स चॅरिटेबल फाउंडेशनच्या सदस्यांनी समाजाच्या आरोग्याच्या सुधारणेसाठी केलेल्या बांधिलकीचे कौतुक केले. त्यांनी उपस्थित सर्व सदस्य आणि पाहुण्यांना या सुविधेचा उपयोग आपले आरोग्य राखण्यासाठी आणि सुधारण्यासाठी करण्याचे आवाहन केले. लायन्स फाउंडेशनने हिंडवाडी, बेळगावात किडनीच्या रुग्णांसाठी उपलब्ध करून दिलेल्या डायलिसिस सुविधेचा उल्लेखही त्यांनी यावेळी केला.

फाउंडेशनचे अध्यक्ष विजयकुमार हेडा यांनी माहिती देताना, तीन योग थेरपिस्ट वेगवेगळ्या वेळी योगा क्लासेसचे आयोजन करतील आणि मार्गदर्शन करतील असे सांगितले.

या कार्यक्रमाला शहापूर लायन्स चॅरिटेबल फाउंडेशनचे अध्यक्ष विजयकुमार हेडा, सचिव सीए संजीव अध्यापक, उपाध्यक्ष राजेंद्र जक्कनावर, कोषाध्यक्ष संतोष चांदक, तसेच नीरज शाल, राजेश देसूरकर, सोमशेखर चुलगे, श्रीधर उप्पिन, समीर शिरागुप्पी, राहुल मुंद्रा, आशा पाटील, आणि कार्यकारी सदस्य गुरुप्रसाद पौसकर, मोहन कानडेकर, मोहन लाड, राजू कोटेम्ब्रीकर, राजाराम बचीकर यांच्यासह अनेक मान्यवर उपस्थित होते.