कॉलेज रोड परिसरात बर्निंग कारचा थरार

बेळगाव : कॉलेज रोड परिसरात थांबलेल्या स्थितीत असलेल्या एका कारने अचानक आग घेतल्याने परिसरात काही काळ भीतीचे वातावरण निर्माण झाले.

घटनास्थळी अग्निशमन दल तातडीने दाखल झाले आणि लवकरच आगीवर नियंत्रण मिळवले असून सुदैवाने, या घटनेत कोणतीही जीवितहानी झाली नसल्याची प्राथमिक माहिती मिळाली आहे.

प्राथमिक तपासानुसार, आग लागण्याचं कारण शॉर्ट सर्किट असल्याचे समोर येत आहे. घटनास्थळी मोठी गर्दी झाली होती.