बोरगाव येथील विहिरीत अनोळखी व्यक्तीचा मृतदेह

निपाणी (वार्ता) : विहिरीचे पाणी पिण्यासाठी आले असता बोरगाव येथील सोबणे शेतातील विहिरीत पडून अज्ञात व्यक्तीचा मृत्यू झाल्याची घटना उघडकीस आली आहे. या व्यक्तीचे वय ५० ते ५५ असून त्याच्या अंगावर हिरवा शर्ट आणि चॉकलेटी रंगाची पॅन्ट आहे. सदलगा पोलिसांनी घटनास्थळी धाव घेत अग्निशमन दलाच्या जवानांच्या मदतीने मृतदेह विहिरीतून बाहेर काढला. मृतदेहाची ओळख पटू न शकल्याने स्थानिक पालिका कर्मचाऱ्यांच्या मदतीने मृतदेह हिंदू रुद्रभूमीत पुरण्यात आला. सदलगा पोलीस ठाण्यात याबाबतची नोंद झाली आहे.