संकेश्वरात धर्मवीर संभाजीराजे जयंती साजरी

संकेश्वर (प्रतिनिधी) : संकेश्वरातील धर्मवीर छत्रपती संभाजीराजे उद्यानात शंभूराजे जयंती साजरी करण्यात आली. संकेश्वर पालिका संभाजीराजे उद्यानातील छत्रपती संभाजीराजे प्रतिमेचे पूजन माजी नगराध्यक्ष श्रीकांत हातनूरी, नगरसेवक डॉ. मंदार हावळ यांनी करुन मानाचा मुजरा केला. यावेळी उपस्थित शंभूप्रेमीनी धगधगता लाव्हा. स्वराज्याचा छावा.. संभाजीराजे यांना मानाचा मुजरा केला. यावेळी माजी नगरसेवक दीपक भिसे, समीर पाटील, सुभाष कासारकर, श्याम यादव, नेताजी आगम, नगरसेवक सचिन भोपळे, ओंकार डावरे, ओंकार भिसे, गजू मोकाशी, श्रीजित शिंत्रे, समर्थ टिक्के, संतोष लोखंडे, राकेश डोंगरे, अक्षय पोवार, शंभूराजेप्रेमी मोठ्या संख्येने उपस्थित होते.