अपहरण प्रकरणी भवानी रेवण्णा यांना एसआयटीची नोटीस

बंगळुरू : केआर नगर महिला अपहरण प्रकरणात आमदार एच. डी. रेवण्णा यांच्या पत्नी भवानी रेवण्णा अडचणीत सापडल्या असून एसआयटीने त्यांना सुनावणीला उपस्थित राहण्याची नोटीस बजावली आहे.
एसआयटीने यापूर्वी भवानी रेवण्णा यांना दोनदा नोटीस बजावली होती. अटकेचा सामना करत असलेल्या भवानी रेवण्णा यांनी अटकपूर्व जामीनासाठी न्यायालयात धाव घेतली आहे. भवानी रेवण्णा यांच्या अटकपूर्व जामीन अर्जावर आज आदेश दिला जाणार आहे. यानंतर एसआयटीने भवानी रेवण्णा यांना सुनावणीला हजर राहण्यासाठी दुसरी नोटीस बजावली. भवानी रेवण्णा यांनी पत्र लिहून घरी येऊन चौकशी करण्यास सांगितले आहे. गरज पडल्यास घरी येऊन चौकशी करू, असे सांगणारी एसआयटी उद्या भवानी रेवण्णा यांच्या होलेनरसीपूर येथील निवासस्थानी चौकशी करणार आहे.