…चक्क कन्नडमध्ये औषधांचे प्रिस्क्रिप्शन!

बंगळुरू : एखाद्या भाषेच्या अस्तित्वाला किंवा नष्ट होण्यास आपणच जबाबदार आहोत. एखाद्या भाषेचे कौतुक, आदर, वापर यामुळे ती भाषा टिकते. अनेकजण वेगवेगळ्या प्रकारे भाषेबद्दलचे प्रेम व्यक्त करतात. त्याचप्रमाणे येथील एका डॉक्टरने आपल्या मातृभाषेवर, कन्नडच्या प्रेमापोटी आता आपल्या कन्नडमध्ये औषधांचे प्रिस्क्रिप्शन लिहायला सुरुवात केली आहे. याद्वारे कन्नड प्रेम वेगवेगळ्या प्रकारे व्यक्त करण्यात आले आहे. याबाबतचे काही फोटो सोशल मीडियावर व्हायरल होत असून डॉक्टरांच्या कन्नड प्रेमाने कन्नडवासियांचे लक्ष वेधून घेतले आहे.

डॉक्टरांनी लिहिलेले प्रिस्क्रिप्शन कोणाला समजेल, इंग्रजीत खरडलेली ही अक्षरे मेडिकलच्या दुकानाशिवाय कोणालाच कळत नाहीत. साधारणपणे सर्व डॉक्टर प्रिस्क्रिप्शन इंग्रजीतही लिहितात, दरम्यान, काही कन्नड डॉक्टरांनी कन्नडच्या प्रेमापोटी कन्नड भाषेत प्रिस्क्रिप्शन लिहिण्यास सुरुवात केली आहे. याबाबतचे काही फोटो सोशल मीडियावर व्हायरल होत असून डॉक्टरांच्या कन्नड प्रेमाने नेटिझन्सची मने जिंकली आहेत.

चिक्कनायकनहळ्ळी महिमा डेंटल क्लिनिकचे डॉ. सीजी मल्लिकार्जुन आणि डॉ. केव्ही डेंटल क्लिनिक, देवराचिकनहळ्ळी. हरिप्रसाद सीएस कन्नडमध्ये रुग्णांना औषधाचे प्रिस्क्रिप्शन देत आहेत, याबाबतचे काही फोटो सध्या सोशल मीडियावर व्हायरल होत आहेत.

दरम्यान, कन्नड विकास प्राधिकरणाचे अध्यक्ष पुरुषोत्तमा बिलीमाले यांनी सांगितले की, यापुढे राज्यातील डॉक्टरांना कन्नडमध्ये प्रिस्क्रिप्शन लिहिण्याचे आदेश दिले जातील.

ते म्हणाले की, प्राधिकरणाच्या वतीने आरोग्यमंत्री दिनेश गुंडुराव यांना निवेदन देण्यात आले असून त्यांना अधिकृत आदेश जारी करण्याची विनंती करण्यात आली आहे.