यल्लापूर येथे भीषण अपघात : 14 ठार

यल्लापूर : उत्तर कन्नड जिल्ह्यातील यल्लापूर तालुक्यातील गुळ्ळापुरजवळ भाजीपाला भरलेली लॉरी पलटी होऊन 14 जण ठार झाल्याची घटना घडली आहे.
राष्ट्रीय महामार्ग 63 वर आज सकाळी ही दुर्घटना घडली. भाजीपाल्यांनी भरलेल्या लॉरीतून 25 जण प्रवास करत होते. गुळ्ळापुरजवळील घट्टा परिसरात एक लॉरी उलटली. त्यामुळे 14 जणांचा जागीच मृत्यू झाला. तर 11 जण गंभीर जखमी झाले आहेत.
घट्टा परिसरात पहाटे धुक्याचे वातावरण असल्याने सदर दुर्घटना घडल्याचे सांगण्यात येत आहे जेव्हा लॉरी पुढच्या वाहनाला धडकली आणि चालकाचा ताबा सुटला आणि ती खड्ड्यात पडली. जखमींना हुबळी किम्स रुग्णालयात दाखल करण्यात आले आहे. यल्लापूर पोलीस ठाण्याने घटनास्थळी भेट देऊन तपास केला.