धर्मस्थळ प्रकरण एनआयए किंवा सीबीआयकडे सोपवा

बी. वाय. विजयेंद्र; ‘धर्मस्थळ चलो’ रॅलीला प्रतिसाद

बंगळूर : दक्षिण कन्नड जिल्ह्यातील धर्मस्थळात अनेक अत्याचार, खून आणि दफनविधीच्या आरोपांमागे ‘खूप मोठे कटकीरस्थान’ असल्याचा आरोप करत, कर्नाटक भाजप अध्यक्ष बी. वाय. विजयेंद्र यांनी हे प्रकरण एनआयए किंवा सीबीआयकडे सोपवण्याची मागणी केली.
विजयेंद्र, विधानसभेतील विरोधी पक्षनेते आर. अशोक, भाजप आमदार आणि नेते धर्मस्थळ येथे ‘धर्मस्थळ चलो’ रॅलीत सहभागी होण्यासाठी आले होते. रॅलीपूर्वी, त्यांनी मंजुनाथ मंदिरात प्रार्थना केली आणि मंदिराचे धर्माधिकारी (संरक्षक) डी. वीरेंद्र हेगडे यांची भेट घेतली, जे राज्यसभेचे भाजप सदस्य आहेत.
जात, पंथ आणि धर्म काहीही असो, प्रत्येकजण सीबीआय किंवा एनआयएकडून सखोल चौकशीची मागणी करत आहे. धर्मस्थळ प्रकरणात हे आवश्यक आहे. धर्मस्थळ भगवान मंजुनाथाच्या सर्व भक्तांची ही मागणी आहे,” असे विजयेंद्र म्हणाले.
“राज्य सरकारने स्थापन केलेल्या एसआयटीच्या चौकशीदरम्यान खूप खोटा प्रचार करण्यात आला. राष्ट्रीय आणि आंतरराष्ट्रीय पातळीवर ज्या पद्धतीने खोटा प्रचार केला जात आहे, त्यामुळे कोट्यवधी भाविक नाराज आहेत. त्यामुळे भाविकांच्या भावना दुखावल्या गेल्या आहेत,” असे ते म्हणाले.
भाजप प्रमुखांनी दक्षिण कन्नड जिल्ह्याचे प्रभारी मंत्री दिनेश गुंडू राव यांनी राज्य सरकारवर डाव्या गटांकडून चौकशीसाठी खूप दबाव असल्याचा दावा केला होता आणि उपमुख्यमंत्री डी. के. शिवकुमार यांनी धर्मस्थळ प्रकरणात मोठे कट रचल्याचे म्हटले आहे, याकडे त्यांनी लक्ष वेधले.
“सर्व काही उघडकीस आणण्याची गरज आहे. धर्मस्थळ मंदिराविरुद्ध खूप मोठे षड्यंत्र रचले जात आहे. म्हणूनच, आम्ही एनआयए किंवा सीबीआयकडून सखोल चौकशीची मागणी करत आहोत. मला आशा आहे की राज्य सरकार कोणताही विलंब न करता लवकरात लवकर चौकशीचे आदेश देईल,” असे ते पुढे म्हणाले.

रॅलीला मोठा प्रतिसाद
भाजपचे प्रदेशाध्यक्ष बी. वाय. विजयेंद्र यांच्या नेतृत्वाखालील धर्मस्थळ चलो आणि मेळावा हे भाजपसाठी आपली ताकद दाखविण्याचे व्यासपीठ बनले. “धर्माकडे आमची वाटचाल” या घोषणेसह हजारो भाजप कार्यकर्ते आणि धर्मस्थळ मंजुनाथस्वामी यांचे भक्त या विशाल रॅलीत सहभागी झाले आणि धर्मस्थळाविरुद्धच्या कटाचा निषेध केला आणि धर्मस्थळ बुरुडे प्रकरणाची चौकशी एनआयएकडे सोपवण्याची मागणी केली.
काल रात्रीपासूनच बहुतेक भाजप नेते आणि कार्यकर्ते धर्मस्थळ येथे पोहोचले होते आणि आज सकाळीही माजी मंत्री, आमदार गोपालय्या, एस. आर. विश्वनाथ, राममूर्ती, सतीश रेड्डी, रविसुब्रह्मण्य, उदय गरुडाचर, तुमकुर शहराचे आमदार ज्योतिगणेश, तुमकुर ग्रामीणचे आमदार सुरेश गौडा आणि बंगळुर आणि राज्यातील अनेक भाजप आमदारांच्या नेतृत्वाखाली हजारो कार्यकर्ते शेकडो वाहनांतून धर्मस्थळला पोहोचले आणि दुपारी आयोजित धर्ममेळाव्यात सहभागी झाले.
केंद्रीय मंत्री प्रल्हाद जोशी, शोभा करंदलाजे, भाजप प्रदेशाध्यक्ष बी. वाय. विजयेंद्र, विरोधी पक्षनेते आर. अशोक, चालवादी नारायणस्वामी, माजी मुख्यमंत्री डी. व्ही. सदानंद गौडा, खासदार जगदीश शेट्टर, भाजप प्रदेश सह-प्रभारी सुधाकर रेड्डी, खासदार गोविंद कारजोळ, पी.सी. मोहन, खासदार सी. ब्रिजेश चौटा, माजी खासदार नलिन कुमार कटील, माजी मंत्री सी.टी. रवी, डॉ. सी.एन. अश्वथनारायण, बेलतंगडीचे आमदार हरीश पुंजा आणि भाजपचे बहुतेक आमदार, खासदार आणि विधान परिषदेचे सदस्य या धर्ममेळाव्यात सहभागी झाले आणि धर्मस्थळाविरुद्धच्या कटाचा निषेध केला आणि बुरुडे प्रकरण एनआयएकडे सोपवण्याची मागणी केली.
धर्मस्थळात आलेल्या हजारो भाजप कार्यकर्त्यांसाठी जेवण, नाश्ता आणि पिण्याच्या पाण्याची व्यवस्था व्यवस्थित करण्यात आली होती. अधिवेशनात सहभागी झालेल्या प्रत्येकाने धर्मस्थळाविरुद्धच्या कटाचा निषेध केला आणि “आम्ही धर्मस्थळाच्या बाजूने आहोत” अशा घोषणा दिल्या.
रविवारी (ता. ३१) धजदने युवा शाखेचे अध्यक्ष निखिल कुमारस्वामी यांच्या नेतृत्वाखाली धर्मस्थळात ‘धर्मस्थळ सत्ययात्रे’चे आयोजित केलीले होते, ज्यामध्ये अशाच प्रकारची मागणी होती.