कर्नाटक एक्स्प्रेसमध्ये बाँबस्फोटाची धमकी

रेल्वेत कसून तपासणी, बनावट कॉलची शक्यता
बंगळूर : कर्नाटक एक्स्प्रेसमध्ये बाँब ठेवण्यात आला असून दक्षिण पश्चिम रेल्वे झोनमधील सर्व स्थानकांवरून ट्रेनमधून प्रवास करणार्‍या प्रवाशांना ट्रेन राज्यात येताच बाँबस्फोटात उडवून देण्याची धमकी फोनवर देण्यात आली होती. त्यामुळे ट्रेनमध्ये कसून सुरक्षा तपासणी करण्यात आली. नवी दिल्लीहून ट्रेन बंगळूरला येत होती.
मंगळवारी संध्याकाळी आग्रा येथील रेल्वे नियंत्रण कक्षाकडून कर्नाटकातील सरकारी रेल्वे पोलिसांना (जीआरपी) कॉलवर अलर्ट प्राप्त झाला. कॉलरने असेही जोडले की, ट्रेनमध्ये चढलेल्या त्याच्या एका पुरुष नातेवाईकाच्या ताब्यात स्फोटके आहेत.
एका उच्च रेल्वेच्या सूत्रानी दिलेल्या माहितीनुसार आग्राहून आलेल्या कॉलरने सांगितले की, कर्नाटक एक्स्प्रेस कर्नाटक सीमेवर प्रवेश करताच तेथे एक स्फोट होईल आणि त्यात जास्तीत जास्त प्रवाशांचा मृत्यू होईल.
बॉम्ब निष्क्रीय पथक, रेल्वे संरक्षण दल आणि जीआरपीने दक्षिण पश्चिम रेल्वे झोनच्या हद्दीत येणार्‍या गुलबर्गा स्थानकात ट्रेन प्रवेश करताच स्निफर कुत्र्यांसह तपासणी केली.
ट्रेनची कसून तपासणी करण्याबरोबरच मार्गावरील सर्व स्थानकांवर अलर्ट जारी करण्यात आला. कर्नाटक एक्स्प्रेसनंतर आंध्र प्रदेशात प्रवेश करते आणि हिंदुपूर स्थानकावर पुन्हा कर्नाटकात प्रवेश करते. हिंदुपूर रेल्वे स्थानकावरही मोठ्या प्रमाणात तपासणी करण्यात आली. बुधवारी दुपारी 1-40 वाजता ट्रेन केएसआर रेल्वे स्थानकावर पोहोचेपर्यंत तपासणी सुरू राहिली.
कर्नाटक एक्सप्रेस (ट्रेन क्र. 12628) 13 डिसेंबर (सोमवार) रात्री 9.15 वाजता नवी दिल्लीहून निघाली होती आणि 40 तासांहून अधिक धावल्यानंतर बुधवारी दुपारी 1.40 वाजता बंगळुर शहरात पोहोचली.
हा कॉल एखाद्या व्यक्तीने मद्यधुंद अवस्थेत केला असावा, असे सूत्राने सांगितले. तथापि, आम्ही कोणताही धोका पत्करू शकत नाही आणि म्हणून कडक सुरक्षा तपासणी केली गेली, असे अधिकार्‍यांनी सांगितले.
एसडब्ल्यूआर सीपीआरओ ई. विजया म्हणाल्या की, माहिती मिळताच बंगळूर विभागाने कारवाई केली. सर्व ऑनबोर्ड कर्मचार्यांना संशयास्पद क्रियाकलाप किंवा वस्तूंच्या शोधात राहण्यासाठी आणि कोणत्याही असामान्य गोष्टीची त्वरित तक्रार करण्यासाठी सूचविण्यात आले. त्यांना कॉलमधील सामग्रीबद्दल माहिती देण्यात आली नाही, असे त्या म्हणाल्या.
मानक प्रोटोकॉलनुसार, राज्य पोलीस आणि जीआरपी यांच्याशी सतत संपर्क ठेवला गेला.