Belgaum Varta Belgaum Varta
बेळगाव : बेळगाव शहरात मुसळधार पावसामुळे घर कोसळल्याची घटना सपार गल्ली येथे घडली असून घरात राहणाऱ्या एका वृद्ध दाम्पत्याचा सुदैवानेच जीव वाचला. बेळगाव शहरात गेले काही दिवस सतत पाऊस पडत आहे. त्यामुळे शहरातील वडगाव सपार गल्ली येथे एक जुने घर कोसळले. या घटनेत एक वृद्ध जोडपे सुदैवाने बचावले आहेत. सपार गल्लीतील बसवराज हंगरकी व शंकरेव्वा यांच्या घराचे छत अचानक कोसळले. ही घटना आज, रविवारी सकाळी सातच्या सुमारास घडली. यावेळी वृद्ध बसवराज हंगरकी पाणी आणण्यासाठी बाहेर गेले होते. घरात शंकरेवा स्वयंपाक करत होत्या. अचानक घराचे छत कोसळले. त्या आवाजाने तत्काळ शंकरेवा घराबाहेर पळाल्या. त्यामुळे वृद्ध बचावले. आहे. छताच्या ढिगाऱ्याखाली घरातील सर्व वस्तूंचे नुकसान झाले.
दरम्यान, वृद्ध बसवराज म्हणाले की, सकाळी 6:45 च्या सुमारास घर कोसळले. मी पाणी आणत होतो. माझी पत्नी स्वयंपाक करत होती. अचानक मोठा आवाज झाला. यावेळी माझी पत्नी आत होती. आमच्या घराचे छत कोसळले आहे. यावेळी माझी पत्नी घराबाहेर पडून जीव मुठीत घेऊन पळून गेली. सरकारने आम्हाला सावली द्यावी. सरकारने आम्हाला सहकार्य करावे, अशी विनंती त्यांनी केली.
यावेळी बोलताना स्थानिक रहिवासी संतोष टोपगी म्हणाले की, आज मुसळधार पावसामुळे घराचे छत पडले. यावेळी वयोवृद्ध बसवराज पाणी आणण्यासाठी गेले असल्याने बचावले. आता आजी घरात होती. ती छत कोसळण्याचा आवाज ऐकून घराबाहेर पडली आहे. त्यांचे घर, घरातील सर्व वस्तू पूर्णपणे उद्ध्वस्त झाल्या आहेत. त्याला मूलबाळ नाही. बसवराज सुरक्षा रक्षकाचे काम करून उदरनिर्वाह करतात. त्यामुळे सरकारने त्यांना मदत करावी अशी मागणी त्यांनी केली.
