केपीटीसीएल परीक्षा गैरप्रकारातील आणखी तीन आरोपी अटकेत

बेळगाव : केपीटीसीएलच्या परीक्षेतील गैरप्रकारांचे जाळे दिवसेंदिवस खोलवर जात आहे. बेळगाव जिल्हा पोलीस विभागाकडून एकेक आरोपींना अटक करण्यात येत आहे. आज आणखी तीन आरोपींना अटक करण्यात पोलिसांना यश
आले.
बेळगावचे एसपी डॉ. संजीव पाटील यांच्या नेतृत्वाखाली पोलिसांनी या प्रकरणी यापूर्वीच १७ आरोपींना अटक केली असून आजपर्यंत अटक केलेल्यांची संख्या 20 झाली आहे.
अक्षय दुंडाप्पा भंडारी (वय 33, रा. अरभागवी), बसवराज रुद्रप्पा दुंदनट्टी (वय 34, रा. बिरंगड्डी) तसेच श्रीधर लक्काप्पा कट्टीकर (वय 22, रा. राजापूर) अशी आरोपींची नावे आहेत. तिन्ही आरोपींना न्यायालयात हजर केले असता न्यायालयीन कोठडी सुनावण्यात आली.