बेळगाव लोकसभेसाठी समिती देणार उमेदवार! ३२ जणांच्या निवड समितीमध्ये शिक्कामोर्तब!

बेळगाव : महाराष्ट्र एकीकरण समितीच्या वतीने लोकसभेला एक उमेदवार देण्यावर ३२ जणांच्या निवड समितीमध्ये शिक्कामोर्तब करण्यात आले आहे.

बैठकीच्या अध्यक्षस्थानी ऍड. राजाभाऊ पाटील होते. मंगळवार दिनांक २ एप्रिल २०२४ ते ६ एप्रिल २०२४ पर्यंत रोज दुपारी ३.०० ते संध्याकाळी ६.०० या वेळेत रंगुबाई पॅलेस येथे अर्ज स्वीकारण्यात येतील ही अर्ज स्वीकारण्याची जबाबदारी मदन बामणे, अंकुश केसरकर व श्रीकांत कदम यांच्यावर सोपवण्यात आली आहे. इच्छुक उमेदवारांनी आपल्या अर्जासोबत २५ हजार रुपये वर्गणी व एक लाख रुपये अनामत रक्कम भरण्याचे आहे.

बैठकीला माजी आमदार मनोहर किनेकर, रणजित चव्हाण पाटील, एम.जी.पाटील, आणि इतर सर्व निवड समिती सदस्य उपस्थित होते.