Belgaum Varta Belgaum Varta
बेळगाव : घटप्रभा नदी ओलांडताना १३ जणांना घेऊन जाणारा ट्रॅक्टर उलटला. बेळगाव जिल्ह्यातील मुडलगी तालुक्यातील आवरादी गावात हा अपघात झाला.
घटप्रभा नदी ओलांडत असताना ट्रॅक्टर नदीत उलटला. ट्रॅक्टरमध्ये १३ जण होते. त्यातील १२ जण सुदैवाने बचावले तर एक बेपत्ता आहे.
१३ जण आवरादीहून नांदगावकडे ट्रॅक्टरने मजुरीसाठी जात होते. घटप्रभा नदी पार करून त्यांना मजूर म्हणून कामावर जावे लागले. मात्र यावेळी ट्रेलरसह ट्रॅक्टर पाण्यात उलटला.
सध्या घटनास्थळी शोकाकुल वातावरण आहे. कुलगोड पोलीस घटनास्थळी भेट देऊन तपासणी करत आहेत. पाण्यात बेपत्ता झालेल्या व्यक्तीचा शोध सुरू आहे. ही घटना कुलगोड पोलीस ठाण्याच्या हद्दीत घडली.
