Belgaum Varta Belgaum Varta
बेळगाव : हॉटेलमध्ये बिल भरण्यावरून झालेल्या भांडणात एका तरुणाला बीएसएफ जवानाने भोसकल्याची घटना घडली असून आरोपीला पोलिसांनी रविवारी रात्री अटक केली.
बेळगावातील सदाशिव नगर येथील आई हॉटेलमध्ये गँगवाडीतील तरुण जेवणासाठी आले होते. जेवण झाल्यावर मालकाला पैसे देण्यावरून भांडण झाले. तिथे जेवत असलेला बीएसएफचा जवान परशराम रामगोंडनावर वाद मिटवण्यासाठी सरसावला पण गँगवाडीतील अल्ताफ चौघुले यांच्याशी जवानाशी वादावादी सुरू झाली. या वादावादीत बीएसएफ जवानाने आपल्याकडील चाकूने अल्ताफ याच्यावर वार करून गंभीर जखमी केले.
याप्रकरणी एपीएमसी पोलिस ठाण्यात गुन्हा दाखल करण्यात आला असून आरोपी बीएसएफ जवानाला पोलिसांनी अटक करून हिंडलगा कारागृहात रवानगी केली.
