जेडीएस- भाजप युतीला अमित शहांचा ग्रीन सिग्नल?

बेंगळुरू : आगामी लोकसभा निवडणुकीत भाजप राज्यात जेडीएस सोबत युती करत असल्याच्या चर्चेला माजी मुख्यमंत्री बी. एस. येडियुरप्पा यांनी पडदा टाकला. माध्यमांना प्रतिक्रिया देताना त्यांनी पुष्टी केली की, केंद्रीय गृहमंत्री अमित शहा यांनी या निर्णयाला आधीच ग्रीन सिग्नल दिला आहे. मात्र किती जागा मिळणार हे अद्याप स्पष्ट झालेले नाही. माजी पंतप्रधान एच. डी. देवेगौडा यांनी हसन, मंड्या, चिक्कबल्लापूर, बंगळुरू ग्रामीण आणि कोलार लोकसभा मतदारसंघ सोडण्याची मागणी केली आहे. पण अमित शहा यांनी तात्पुरत्या स्वरूपात चार जागा सोडण्याचे मान्य केले आहे. जागावाटपाचा निर्णय लवकरच घेण्याचे आश्वासन दिल्याचे ते म्हणाले.

दरम्यान, माजी मुख्यमंत्री बसवराज बोम्मई यांनी याच मुद्द्यावर बोलताना सांगितले की, ही एक महत्त्वाची युती असेल. काँग्रेसच्या लढाईत विरोधकांची एकजूट महत्त्वाची ठरणार आहे. आघाडीच्या जागा वाटपाबाबत हायकमांड लवकरच निर्णय घेण्याची शक्यता आहे, असे ते म्हणाले.

राज्यात गेल्या विधानसभेच्या निवडणुकीत काँग्रेसने अपेक्षेपेक्षा जास्त जागा मिळवल्यानंतर जेडीएस-भाजप युतीचा विचार मांडण्यात आला होता. अनेक राजकीय नेत्यांनी ही केवळ अटकळ असल्याच्या प्रतिक्रिया दिल्याने याबाबत केवळ उत्सुकता राहिली. आता युती निश्‍चित झाल्याने पुढील घडामोडींमुळे आम्हाला आणखीच चिंता वाटू लागली आहे.