Belgaum Varta Belgaum Varta
हुक्केरी : प्रतिवर्षीप्रमाणे माघ पौर्णिमेनंतर बेळगावसह, कर्नाटक, महाराष्ट्र, गोवा येथील लाखो भाविकांचे श्रद्धास्थान असलेल्या कर्नाटक – महाराष्ट्र सीमेवरील हुक्केरी तालुक्यातील मोदगे दड्डी (मोहनगा-दड्डी) भावकेश्वरी यात्रेला दि. ६ फेब्रुवारी पासून प्रारंभ होणार आहे. तर ८ फेब्रुवारी रोजी पालखी सोहळ्याने यात्रेची सांगता केली जाणार आहे.
पश्चिम महाराष्ट्र, मुंबई आणि उत्तर कर्नाटक बेळगाव भागातील लाखो भाविक या देवीच्या दर्शनासाठी दरवर्षी यात्रेला येत असतात. माघी पौर्णिमा, सोमवार ६ फेब्रुवारी २०२२ रोजी श्री लक्ष्मी देवी यात्रा भरविण्याचा निर्णय घेण्यात आला. यात्रोत्सव सोमवार दि. ६ ते ८ फेब्रुवारी २०२३ या कालावधीत आयोजित करण्यात आला असून भाविकांना यात्रोत्सवाचा लाभ घेण्याचे आवाहन करण्यात आले आहे. दि. ७ फेब्रुवारी रोजी मोदगा (मोहनगा – दड्डी) भावकेश्वर यात्रा आणि नैवेद्य होणार आहे. तरी भाविकांनी याची नोंद घेऊन देवीच्या दर्शनाचा व स्नेहभोजनाचा लाभ घ्यावा असे आवाहन यात्रोत्सव कमिटीतर्फे करण्यात आले आहे. घटप्रभा नदीला पाणी खूप असल्यामुळे भाविकांनी कृपया मोदगे बंधाऱ्यावरून वाहतूक करावी अशी सूचनाही आयोजकांतर्फे करण्यात आली आहे.
