भाषिक तेढ निर्माण केल्याचा आरोप; शुभम शेळके यांना अटक

बेळगाव : आनंदवाडी येथील कुस्ती आखाड्यामध्ये उद्योजकांनी “जय महाराष्ट्र” म्हंटले म्हणून आयोजकांनी अताताईपणा केला होता. त्यानंतर सीमाभागातील मराठी जनतेतून संताप व्यक्त करण्यात आला होता. महाराष्ट्र एकीकरण समितीचे शुभम शेळके यांनी त्याचा निषेध सोशल मीडियाच्या माध्यमातून नोंदविला होता. त्यामुळे पोटशूळ उठलेल्या काही कन्नड संघटनांनी त्यांच्यावर गुन्हा दाखल करावा अशी मागणी केली होती. त्यानंतर आज पोलिसांनी भाषिक तेढ निर्माण केल्याचा आरोप करत शुभम शेळके यांच्यावर गुन्हा दाखल करून त्यांची हिंडलगा कारागृहात रवानगी करण्यात आली. यामुळे मराठी भाषिकांतून संताप व्यक्त करण्यात येत आहे.