कर्नाटकात डिझेलच्या दरात २ रुपयांनी वाढ

पुन्हा एकदा दरवाढीचा धक्का

बंगळूर : कर्नाटकातील दरवाढीमुळे लोक चिंतेत आहेत. १ एप्रिलपासून दुधाच्या किमतीत प्रति लिटर ४ रुपयांची वाढ झाली आहे. विजेचे दर वाढले आहेत. कचऱ्यावर सेस लावण्यात आला आहे. या सर्व अडचणींमध्ये, राज्य काँग्रेस सरकारने आता आणखी एक धक्का दिला आहे. कर्नाटकात आजपासून डिझेलच्या किमती वाढल्या आहेत. कर्नाटक सरकारने डिझेलवरील विक्री कर वाढवला आहे. त्यामुळे डिझेल प्रति लिटर दोन रुपयांनी महाग झाले आहे. तरीही इतर राज्यांच्या तुलनेत कर्नाटकात डिझेलचे दर कमी असल्याचा दावा करण्यात आला आहे.
कराचे प्रमाण २१.१७ टक्के
राज्य काँग्रेस सरकारने या संदर्भात एक अधिसूचना जारी केली आहे, ज्यामध्ये विक्री कर २१.१७ टक्के निश्चित केला आहे . डिझेलवरील विक्रीकर दर २१.१७ टक्के करण्यात आला आहे. अशा प्रकारे, प्रति लिटर २ रुपयांची वाढ झाली आहे. या दरवाढीनंतर, कर्नाटकात डिझेलची विक्री किंमत ९१.०२ रुपये आहे. सरकारने त्यांच्या अधिसूचनेत म्हटले आहे की सुधारित विक्री किंमत देखील इतर राज्यांच्या तुलनेत कमी असेल.
नोव्हेंबर २०२१ पूर्वी, कर्नाटकात डिझेलवरील विक्री कर दर २४ टक्के होता. त्या दिवशी डिझेलची विक्री किंमत ९२.०३ रुपये होती. परंतु डिझेल आणि पेट्रोलच्या वाढत्या किमतींमुळे भाजपशासित राज्याने उत्पादन शुल्क कमी केले होते. त्यावेळी राज्यात सत्तेत असलेल्या बसवराज बोम्मई सरकारने डिझेलवरील विक्रीकर दर १८.४४ पर्यंत कमी केला होता. आता सिद्धरामय्या सरकारने हा विक्रीकर दर २१.१७ टक्के केला आहे.