महिला आरक्षण विधेयकाविरोधात बेळगावात संताप

बेळगाव : बेळगावमध्ये आज नारी मंचतर्फे ३३ टक्के नारी शक्ती आरक्षण विधेयकाविरोधात तीव्र निदर्शने करण्यात आली. विविध समाजघटक आणि संघटनांतील महिलांनी मोठ्या संख्येने एकत्र येत या विधेयकाचा निषेध नोंदवला.

या कार्यक्रमात विद्या पाटील, प्रिया पुराणिक आणि आशा यमकनमर्डी या प्रमुख पाहुण्या म्हणून उपस्थित होत्या. त्यांनी महिलांचे हक्क, राजकीय प्रतिनिधित्व आणि सद्यस्थितीतील आव्हाने यावर आपले विचार मांडले. आरक्षण विधेयकातील तरतुदींबाबत त्यांनी यावेळी सविस्तर भाष्य केले.

कार्यक्रमानंतर ३३ टक्के नारी शक्ती विधेयकाचा निषेध करण्यासाठी शहरातून भव्य मोर्चा काढण्यात आला. या मिरवणुकीत महिलांचा उत्स्फूर्त सहभाग पाहायला मिळाला. आरक्षणासंदर्भातील विविध मुद्द्यांवर यावेळी घोषणाबाजी करत महिलांनी प्रशासनाचे लक्ष वेधून घेतले.

या कार्यक्रमाद्वारे महिलांनी आपली संघटित शक्ती आणि एकजूट प्रदर्शित केल्याची प्रतिक्रिया डॉ. सोनाली सरनोबत यांनी दिली. या आंदोलनात भाजप महिला मोर्चाच्या राज्य सचिव डॉ. सोनाली सरनोबत, महानगर अध्यक्षा गीता सुतार, महिला मोर्चा अध्यक्षा शिल्पा केकरे, डॉ. नयना भस्मे, उज्ज्वला बडवन्नाचे यांच्यासह अनेक महिला पदाधिकारी उपस्थित होत्या.