सिलेंडर स्फोटातील वृद्ध दाम्पत्याचा उपचारादरम्यान मृत्यू

बेळगाव : सुळगा (हिं.) ता. बेळगाव येथे शनिवार दि. १८ मे रोजी सिलेंडरचा स्फोट होऊन वृद्ध दाम्पत्य गंभीर जखमी झाले होते. मात्र शुक्रवार दि. २४ मे रोजी सायंकाळी खाजगी इस्पितळात दाम्पत्याचा मृत्यू झाला.
शंकर गल्ली, सुळगा येथील रहिवासी कल्लाप्पा यल्लाप्पा पाटील (वय ६५) आणि त्यांच्या पत्नी सुमन कल्लाप्पा पाटील (वय ६१) हे दोघेही शनिवार दिनांक १८ मे रोजी घरामध्ये सिलेंडर गॅस गळतीमुळे आगीचा भडका उडून गंभीर जखमी झाले होते. त्यांना सिव्हिल हॉस्पिटलमध्ये दाखल केले होते. पुढील उपचारासाठी खाजगी इस्पितळात हलवले होते. मात्र उपचार सुरू असताना सहा दिवसानंतर मृत्यू ओढवला आहे.
या दाम्पत्यावर शनिवार दि. २५ मे रोजी सकाळी ११.३० वा. सुळगा (हिं.) स्मशानभूमीत अंत्यसंस्कार होणार आहे. त्यांच्या पश्चात एक मुलगा, सून, मुलगी, जावई असा परिवार आहे.