बेळगावमध्ये भारतीय संत महापरिषदेत हिंदू समाजाच्या संरक्षणाचा निर्धार

बेळगाव : जम्मू-काश्मीरमधील पहलगाम येथे दहशतवाद्यांनी केलेल्या गोळीबारात जाती, गाव, भाषा काहीही विचारले नाही. हिंदू असल्याचे सांगितल्यावर गोळी झाडून हत्या करण्यात आली. आपण आपली संस्कृती व धर्म टिकवून पुढे जावे लागेल, असे अयोध्येतील श्रीराम मंदिराचे खजिनदार आणि गीता परिवाराचे संस्थापक गोविंददेव गिरीजी महाराज यांनी सांगितले.
शनिवारी शहरातील लक्ष्मी टेकडी येथील हुक्केरी हिरमठाच्या शाखा सभागृहात भरवलेल्या भारतीय संत महापरिषदेत सहभागी होताना ते बोलत होते. आपल्या हिंदू समाजाचा गैरफायदा दहशतवादी शक्ती घेत आहेत. आपल्याला अंतःकरणाने एकत्र यावे लागेल. आजच्या भारतीय संत महासभेचा हेतू हाच आहे. “बटेंगे तो कटेंगे” याचा अर्थ जर आपण विभागलो गेलो तर तुकडे तुकडे होऊ, हे संतांनाही लागू होते. संतांच्या संघटनेसाठी लागणारी सेवा द्या, मी ती सेवा करण्यास तयार आहे, असेही त्यांनी सांगितले. आळशी माणसाच्या तोंडात अमृताचे थेंब येतात, पण इथे सर्व संत एकत्र जमल्याने अतिशय आनंद झाला आहे, असेही ते म्हणाले.

बेळगाव हुक्केरी हिरमठाचे श्री चंद्रशेखर शिवाचार्य स्वामीजी यांनी सर्व संतांना एकत्र करून समाजजागृती करण्याच्या उद्देशाने ही संत परिषद आयोजित केली आहे, त्याचा निर्णय मी पूर्णपणे स्वीकारतो, असे गोविंददेव गिरीजी महाराज म्हणाले. संतांनी दाखवलेले मार्ग नेहमी योग्य असतात. संपूर्ण समाज आमच्याकडे पाहत आहे. प्रयागराज येथे झालेला महा संगम याचे साक्षी आहे. समाजाला खरी प्रेरणा संतांमधूनच मिळू शकते, इतरांकडून नाही, असे त्यांनी सांगितले. कर्नाटकमधील सर्व संतांना मी विनंती करतो की सर्वांनी एकत्र येऊन समाज उभारणीचे कार्य करावे.

बेळगाव हुक्केरी हिरमठाचे श्री चंद्रशेखर शिवाचार्य स्वामीजी बोलताना म्हणाले, अयोध्येतील श्रीराम मंदिराचे खजिनदार आणि गीता परिवाराचे संस्थापक गोविंददेव गिरीजी महाराज यांनी श्रीरामाची प्रतिष्ठापना करणाऱ्या गुरूच्या भूमिकेत उभे राहून पंतप्रधान नरेंद्र मोदींचे उपवास संपवण्यात महत्त्वपूर्ण भूमिका बजावली असून ते कार्य प्रशंसनीय आहे. आपल्या मठामध्ये आपला परंपरा असावी, पण आपल्याला भारतात असलेल्या आपल्या लोकांना एकत्र टिकवले पाहिजे. अन्यथा भविष्यात मोठा अनर्थ होईल, असे त्यांनी सांगितले. हिंदूंमध्ये धैर्य निर्माण करण्याचे कार्य सर्व मठाधीशांनी करायला हवे. मी भगवे वस्त्र धारण केले आहे, याचा अर्थ मी हिंदूंना वाचवले पाहिजे, असे ते म्हणाले.यावेळी हरिहरपूर येथील श्री लक्ष्मीनरसिंह शारदा क्षेत्राचे श्री शंकराचार्य, स्वयंप्रकाश सच्चिदानंद सरस्वती स्वामीजी, बंगळुरुच्या राजराजेश्वरी नगर येथील श्री कैलासाश्रम महासंस्थानचे जयेंद्रपुरी स्वामीजी यांच्यासह इतरही संत या वेळी उपस्थित होते.